قصة بندر والنمله عفـــــاف ... (الجزء الثـــاني )

عدد الرسائل : 95 تاريخ التسجيل : 02/10/2008

مقـــدمـــــــه :

مرت خمس سنوات وانا في شهار قاعدن في زاوية وفارش فيها مرقدي ((أي

فراشي)) وموزّي دربيلي تحت مخدتي طبعآ كل الفترة ملبد ((أي ساكت)) ومنيب

راعي مشاكل وقبلي ((أي دايم)) اهوجس في عفااف واحتسي بيني وبين

نفسي !! هي تذكرني ولا نستني؟؟ كانت شفايفي ترتجف مع الهواجيس

((الدكاترة يحسبوني اقرأ ورد وقرآن وقالوا اكيد الرجال عقل))<<----- امحق

عقل والله من جنبهــا<---- العقل يمين وهو يســار

القصــــــــــه :

القصة اني اوحيتهم ((أي سمعتهم)) يحتسون انهم بيطلعوني بكره وطار النوم

من عيني واتمدد على السرير واهوجس في بكره وماش اونست ((أي حسيت)) ان

ظهري يوجعني من السرير وانا اللي اذب عمري تحته وارقد بين السريرين

واغفي ((أي نمت)) وتنفتح طرف شفتي وتبدأ السعابيل تصب وتمشي ((كنك

تشوف ضحيه مذبوحه)) وكان خدي لازق في الارض واسمع ذيك اللي تصارخ

وافتح عيني اللي نصف بياضها لامسن الارض واشوف في بحيره سعابيلي شي

يتحرك وبعيد وصغير واطلع الدربيل ولقيتها دلّيل ((هذي دلال بنت خالة عفاف

كانت تجيبها معها للبراده وتسولف معنا وتسبّر لنا ((أي تراقب لنا الجو)) وانا

اللي افصّخ ثيابي وخذ سباحه في سعابيلي ((ماتسمع الا تصميخ ذرعاني في

البلاط))

قلت منيب رايح رجليّه مهوب ممديني خلني الحق عليها سباحه وانا اللي امسكها

بطرف ظفري واتدربا انا واياها جنب النقعه ((نقعة سعابيلي)) وقلت

سلامات؟؟؟ قالت هلا بنـدر وهي اللي تخمها بتسوه ((أي صاحت)) واقوم

ارفع الشعر عن وجهها وامسح دموعها بعود اذان وقلت بسّك <<--- يازينها ودي

اعيدها قالت بنــدر الحق على عفاف ابوك بيبلط البيت ((أي بيخلّيه زي

الحمامات املس)) <<---- هذي حدود معرفته بالبلاط قلت وتوك تجين ؟؟ خمس

سنين؟؟ قالت وش اسوي جايه رجليّه ..قلت يانذله كان استأجرتي صارور وانا

احاسبه<<--- اقول كل تبن بس والله واخذها على كفي وارقى على سريري

احتريهم يفتحون مكتب الاداره واقعد اخذ علوم عفاف ودلال تشيش فيني وتقول

عن الاضطهاد اللي عاشته في بيتنا عفاف والجوع اللي جاهم عقب ماسافرت

عنهم ((طبعآ كنت مزبّنهم برز اهلي عشان اصدّ بالحبيبه ويوم رحت ماتو جوع))

ولا من زود القراده شرو اهلي مكنسه كهرب ((يعني انسى يلقون حبة رز))

وقالت ان عفاف تدق عليها كل ليله وتقول بنـدر اكيد مصادق قعاسي الطايف

ومعد هوب راجع كلهم مثل بعض هو وشافي ((يعني قليلين خاتمة))

وقالت لازم تلحق عليها تراها فاهمه الموضوع غلط ماتدري انك يالضعيف لازلت

محتفظ بصورتها ومصكوكن عليك فيذا يالدبشه ومابقى من ملامح وجهك الا ربع

خدك الايسر والباقي مغطيه الشعر ((تقول بركه مفرغه ومشبّية اذا تفصخت))

ويوم صاواا ((أي غرد)) اول عصفور وماتشوفني الا كني وكيل مدرسة في

فسحه ((ماشي وموجة خنافري للارض ورافع كف يدي وعليها دلّيل كني اقول

عطوني ريال)) والعن ام الباب حق غرفة المدير ويضرب ويرجع على خنفرتي

واطيح سدّر ((أي غيبوبة)) ثلث ساعة.. وقوموني وقالو سلامات؟؟؟ ((طبعآ

قمت واقف ورافع كف يدي)) وقلت ابد ابمشي يالشيخ<<---انواع المونه

قال اصبر لين يجي ابوك ونطلعك !! قلت اسف ابمشي الحين الموضوع ضروري

قال سلامات وشفيك يدك توجعك؟؟؟ قلت لا معي الاهل ولازم اوديهم !! طارت

عيونه وقال وينهم وامد له الدربيل وقلت دلال تغطي وثول ودربلها وقال اها

اجل تقول لي الاهل يا بنـدر ؟؟؟ قلت ايه انجز ((أي اخلص)) علي ابمشي وهو

اللي يمشي ويتصل على ابوي وانا اناظره وقال يالاخو هوّنا لعد تجي عطنا

خمس سنين ثانية الموضوع كبر!!! قال ابوي افاااا؟؟ ليه؟؟ قال ولدك يحاكي

نمله !! قال ابوي اشوى نمله الله يبشرك بالخير يعني ماصار يحاتسي جن؟؟؟

اصبر خلني ابشر امه قال ابوي يادختور اتركوا الولد تراه طيب اول عمره

مصادقن سلوقي في الحاره ويكشت هو واياه با الاسابيع.. والله ويهجّون ((أي

فتحو)) لي الباب واشوف النور واطق المرايات الشمسيه وللرياض رجليه ورافع

كفي ودلّيل متوسده الابهام يقال لك بتقلب لونها ((يعني بالمايوه يابهم))

ووصلت بيتنا ودموعي تغورق ((أي تنزل)) واشوف لون ابيض من تحت الباب

((كنه حليب مكبوب)) كان لون جلي البلاط وارن الجرس واسمع امي من اول

السيب تصايح تقول مين؟؟؟ وتوها فاتحتن الكيلون ((يعني طلع صوت طق))

واعطي الباب نفس الرفسه حقت المستشفى بس انحشت قبل لايرجع على وجهي بس الغريب مارجع الباب واناظر !! لقيت سيقان بدون جلد طالعه من تحت

الباب؟؟ وادخل واطل ورى الباب والقى وحده غريبه ماقد شفتها كل جلد

سيقانها تجمع في وجهها وصوتها تغير ((كنها واحدن يحتسي تحت كنبل ((أي

بطانيه)) واجرها واجي واحط ماطات رجلي على ماطات رجلها واسحب الجلد

((كني البس بزر هيلا هوب )) واجيب الجلد واخيطه بسيم معلاق من عند الماطات

والرجل الثانيه مثل.. ويوم خلصت والقى عيونها في رقبتها ((قعدت ارخي في

السيم لين ماوزنت فتحت خنافرها في فتحت الخنافر بالجمجمه ))واناظر واثرها

امي!!! وانا اللي انطلق حاط دربيلي وازاعق انادي عفاف وهي تمشي وراي

يطلع منها صوت كنها لابسه كعب ((صوت الاسيام تحت)) وتقرأ علي واتفاجئ

بالبيت كله بلاط ومن فرحت اهلي يتغدون عليه يكبون الرز على طول على البلاط

((يلعن ام الفرحه ))

والقط الفاروع وخذ تكسر ودموع تنزل ادورها تحت الانقاض ودرت على السيب

كله احفر وللاسف مالقيت اثر.. واطمر للبراده ولقيت رساله بتاريخ قديم ((صار

لون الورقه اصفر من الزمن)) عقب ماغبت عنها بشهر وكانت حروف الكلام سايله

مع الدموع على الورقه يالله فككت حروفها وكانت تذكرني بكل لحظه في

حياتنا وانها تسمع بطنها يصاوي من الجوع وفي اخر الرساله نقطه صغيره

حمراء خفت انها نقطة دم انتحرت عقب الرساله بس يوم شمّيتها دريت انها بوسه

((صارت روج)) طلعت بدربيلي للشارع اصايح باسم عفاااف والناس يتحمدون الله

مشيت لبيت جدتها ((جعابه تسكن في عتبة واحد اقشر جندي اول في امن

الطرق والاخلاق دمار)) وجيت وسجدت عند عتبة بابه وقمت اناديها ام عبيد ام

عبيد وماسك الدربيل بيديني ((مادريت طلع العري راعي البيت وصار من زين

الحظ اسمه عبيد ويحسبني انادي امه وكمل عليها اني ساجد وادربل يحسبني

اطل من تحت الباب))

ومادريت الا بعصا المكنسه يمزع جنبي وارفع عيوني بالدربيل واشوف مخ؟؟

((الدربيل جاب مخه مع خنفرته)) واوخّر الدربيل ولا العصا جايه تمشي مليون على

الجهه ويسحبني ويذبني في الحياله ((كني قطو مصدوم وخشمي يرعف دم))

واقعد في غيبوبه اسبوع بدون اكل وشرب ويبست مرة ((غديت كني صندقه

حمام مفكوكه ومذبوبه كني ليحان مجمعه))المهم ويصادف في هالارض بيت نمل

ويسّخر الله لي بزرين نمل ورديين ((أي لونهم وردي)) ولابسين طواقي وش

ملحهم ودك تجرعهم وحتسيهم فية لتغه وواحدن منهم له غمازات ((من زود الملح))

ورحموني ودلو كل يوم يسرقون من مستودعهم جراد ويجون لي ويدسونه في

افمي با ابرة خياطه ((وانا لازلت في غيبوبه)) وكل يوم الهم في هالجراد لين

ماربعت ((غديت تسني ضب متروكن في خريم)) وقمت ودربلتهم وتشكرتهم

((المشكلة صارو يأكلوني ابو حليمه يجمعونه من حرمله في البرحة)) وحسيت

انهم كل من لي بهالدنيا وصرت ارقد في هالبراحة جنب الجخر وما افارقهم ابد

ويجي ذاك اليوم واقوم على ذاك الصوت اللي يطلع من بيت النمل وحده تقول

لؤي ((لؤي هذا ابو غمازات)) تعال وانا امك خذ غداء الرجال ((اللي هو انا))

وتدور بي الدنيا وتنزل دموعي ويقمط قلبي واحس كني نازلن من دحديره

بسرعه ((يعني خفت قلبي)) وامسك لؤي مع كتفه وقلت تعال من هذي؟؟؟ قال

هذي مغا مغا <<--- يقالك جبتها الحين بلتغه ((يعني ماما))

وقلت وعيوني تدمع وش اسمها؟؟ قال مغما عفاف!!! وانا اللي انشل في محلي

ودموعي قامت تسورب لين ما انحقن ((أي امتلى)) سري وفي نفس الوقت

سمعتها تقول يااللولو ((اللولو اخت زوجها)) ابروح للدكان ابشري حلاوه ابشيل

شعر ذرعاني وسيقاني ابو لؤي يقول انه بيجي الليله

وانا اللي اقمز مابيها تشوفني ومابي اضيع مستقبل هالبزران اللي ماخلوني

ووقفو جنبي في محنتي ومابي اكون ماضي تعيشه بحاضرها<<-- قسم بالله

كلام كبير ياكذا الحب يابلا مدري فلا ?

وهي اللي تطلع واشوفها تلف في الطرحه واقز جبهتها وعيونها في الارض

مابعد رفعت السواه وانا اللي اغطي وجهي بيديني واركض لاتعرفني واطلع

بالغلط على الخط وانا مغطي عيوني ويلقطني راعي كدلك مع جنبي ((عرفوه

برقم اللوحه طابع في تسلوتي((أي كليتي))

الــصــدمـــه :

وصل كلام من مصدر موثوق ان عفاف قالت لبنت جخر جيرانهم فكني الله من

شاافي الاسود... ومن بنـدر الهيس الاربد... ورزقني بهالقعسي اللبناني

الامرد ((اي بدون شعر)).. :

ملاحظـــــه :

حب ادميــّه وأن مالقيت صارح لك طوفريه ((الطوفريه اللي يجاب فيها الشاهي

والبيالات للي يحتسون روسي)

والله يا بعض الكلام ما ني
فاهمه بس تسلم ايدينك على
التعلق الشيق بعد اسبوع توك
تنزلين القصه بس كنت والله انتضرها
بفارق الصبر وكانت النهايه مؤلمه هذا تالي
التعب ومستشفى شهار اتمنى تقبل مرررررررروري
احـــــــــــــــ س ـــــــــــــــا رســــــــــــــــ م ـــــــــــــــا

عدد الرسائل : 95 تاريخ التسجيل : 02/10/2008

احساس رسام كتب:: والله يا بعض الكلام ما ني
فاهمه بس تسلم ايدينك على
التعلق الشيق بعد اسبوع توك
تنزلين القصه بس كنت والله انتضرها
بفارق الصبر وكانت النهايه مؤلمه هذا تالي
التعب ومستشفى شهار اتمنى تقبل مرررررررروري
احـــــــــــــــ س ـــــــــــــــا رســــــــــــــــ م ـــــــــــــــا

الكلمات اللي بين الاقواس معنى الكلمات الغير مفهومه ياعزيزي
بنسبه لتاخير اجزء الثاني عشان تشوقون اكثر
اللــــه يسلمك اخوي
هلا بك اخوي وجودك ينور موضوعي

تسلم ها الايدين من
التعب تقبلي مروري

» بندر والنمله عفاف ... (الجزء الأول )